अथ या एता हृदयस्य नाड्यस्ताः पिङ्गलस्याणिम्नस्तिष्ठन्ति शुक्लस्य नीलस्य पीतस्य लोहितस्येत्यसौ वा आदित्यः पिङ्गल एष शुक्ल एष नील एष पीत एष लोहितः॥१॥
atha yā etā hṛdayasya nāḍyastāḥ piṅgalasyāṇimnastiṣṭhanti śuklasya nīlasya pītasya lohitasyetyasau vā ādityaḥ piṅgala eṣa śukla eṣa nīla eṣa pīta eṣa lohitaḥ ||1||
Теперь, эти артерии сердца наполнены эссенцией коричневых, белых, синих, желтых и красных жидких субстанций. Поистине, солнце там коричневое, оно белое, оно синее, оно желтое, оно красное. (1)
तद्यथा महापथ आतत उभौ ग्रामौ गच्छतीमं चामुं चैवमेवैता आदित्यस्य रश्मय उभौ लोकौ गच्छन्तीमं चामुं चामुष्मादादित्यात्प्रतायन्ते ता आसु नाडीषु सृप्ता आभ्यो नाडीभ्यः प्रतायन्ते तेऽमुष्मिन्नादित्ये सृप्ताः॥२॥
tadyathā mahāpatha ātata ubhau grāmau gacchatīmaṁ cāmuṁ caivamevaitā ādityasya raśmaya ubhau lokau gacchantīmaṁ cāmuṁ cāmuṣmādādityātpratāyante tā āsu nāḍīṣu sṛptā ābhyo nāḍībhyaḥ pratāyante te'muṣminnāditye sṛptāḥ||2||
Как длинная дорога тянется между двумя деревнями, этой и той, так и лучи солнца идут в оба мира, этот и тот. Они начинаются от того солнца и входят в эти артерии; они начинаются от этих артерий и входят в то солнце. (2)
तद्यत्रैतत्सुप्तः समस्तः संप्रसन्नः स्वप्नं न विजानात्यासु तदा नाडीषु सृप्तो भवति तं न कश्चन पाप्मा स्पृशति तेजसा हि तदा संपन्नो भवति॥३॥
tadyatraitatsuptaḥ samastaḥ saṁprasannaḥ svapnaṁ na vijānātyāsu tadā nāḍīṣu sṛpto bhavati taṁ na kaścana pāpmā spṛśati tejasā hi tadā saṁpanno bhavati ||3||
Когда человек спит, с отрешенными чувствами, спокойный и не видит снов, тогда он вошел в эти артерии. Тогда никакое зло не коснется его, ибо он получил свет солнца. (3)
अथ यत्रैतदबलिमानं नीतो भवति तमभित आसीना आहुर्जानासि मां जानासि मामिति स यावदस्माच्छरीरादनुत्क्रान्तो भवति तावज्जानाति॥४॥
atha yatraitadabalimānaṁ nīto bhavati tamabhita āsīnā āhurjānāsi māṁ jānāsi māmiti sa yāvadasmāccharīrādanutkrānto bhavati tāvajjānāti ||4||
И когда он ослабевает, то сидящие вокруг него говорят: «Ты знаешь меня? Ты знаешь меня?» Пока он не покинул это тело, он знает их. (4)
अथ यत्रैतदस्माच्छरीरादुत्क्रामत्यथैतैरेव रश्मिभिरूर्ध्वमाक्रमते स ओमिति वा होद्वा मीयते स यावत्क्षिप्येन्मनस्तावदादित्यं गच्छत्येतद्वै खलु लोकद्वारं विदुषां प्रपदनं निरोधोऽविदुषाम्॥५॥
atha yatraitadasmāccharīrādutkrāmatyathaitaireva raśmibhirūrdhvamākramate sa omiti vā hodvā mīyate sa yāvatkṣipyenmanastāvadādityaṁ gacchatyetadvai khalu lokadvāraṁ viduṣāṁ prapadanaṁ nirodho'viduṣām ||5||
Если он покидает тело, если он просто ритуалист и не знает Брахмана, то он затем поднимается по этим лучам к мирам, которые он обрел своей похвальной работой. Или, если он знает доктрины акаши в лотосе сердца, он тогда медитирует на Ом и таким образом обеспечивает себе вход в Брахмалоку. Или, если он не знает, он достигает нижних тел. Знающий достигает солнечного шара так же быстро, как он направляет свой ум от одного объекта к другому. Это действительно дверь в Мир Брахмана для тех, кто знает; для невежественных она закрыта. (5)
तदेष श्लोकः। शतं चैका च हृदयस्य नाड्यस्तासां मूर्धानमभिनिःसृतैका। तयोर्ध्वमायन्नमृतत्वमेति विष्वङ्ङन्या उत्क्रमणे भवन्त्युत्क्रमणे भवन्ति॥६॥
tadeṣa ślokaḥ | śataṁ caikā ca hṛdayasya nāḍyastāsāṁ mūrdhānamabhiniḥsṛtaikā | tayordhvamāyannamṛtatvameti viṣvaṅṅanyā utkramaṇe bhavantyutkramaṇe bhavanti ||6||
По этому поводу есть следующий стих: «Существует сто одна артерия (нади) сердца, одна из которых пронзает макушку головы. Поднимаясь по ней вверх, человек в момент смерти достигает бессмертия. Другие артерии, идущие в разных направлениях, служат лишь каналами для его выхода из тела, да, служат лишь каналами для его выхода из тела». (6)